15 മേയ് 2012

ഇന്നത്തെ കാരണം










                               



                                     പുതിയ ജീവിതം , പുത്തന്‍  പ്രതീക്ഷകള്‍  ...... ഇതൊന്നും അത്ര പെട്ടെന്ന് സ്വായത്തമാക്കാന്‍ കഴിയില്ലെന്ന് മറ്റാരേക്കാളും നന്നായിട്ട് ശിവരാമന് അറിയാം . എന്നിട്ടും അയാള്‍ രണ്ടും കല്‍പ്പിച്ചു തുനിഞ്ഞിറങ്ങി  . ഒരു രാത്രിയും പകലും ഇരുന്നു നല്ല പോലെ ചിന്തിച്ചെടുത്ത തീരുമാനമാണ് , ഇനി മദ്യപിക്കില്ല . ഇത്രയും നാളത്തെ ജീവിതത്തെ കുറിച്ചോര്‍ക്കുമ്പോള്‍ അയാള്‍ക്ക്‌ അയാളോട് തന്നെ വെറുപ്പ്‌ തോന്നി . താനിന്നെ വരെ തന്റെ ഭാര്യെയെ കുറിച്ചോ മക്കളെ കുറിച്ചോ ചിന്തിച്ചിട്ടില്ലല്ലോ എന്നോര്‍ത്തപ്പോള്‍ അയാളുടെ കണ്ണ് നിറഞ്ഞു  . അന്നാദ്യമായാണ് അയാള്‍ തന്റെ കുടുംബത്തിനു വേണ്ടി കരഞ്ഞത് . വിഷമം സഹിക്കാവുന്നതിനുമപ്പുറമായപ്പോള്‍   , ഒരു മുഷിഞ്ഞ ഷര്‍ട്ടും മേശയില്‍ കിടന്ന കുറച്ചു ചില്ലറയും എടുത്തു ബിവറേജസ് ക്യു ലക്ഷ്യമാകി അയാള്‍ നടന്നു

09 മേയ് 2012

ഭോഗം , പെണ്ണ് , തിരിച്ചറിവ്


ദ്യാക്ഷരം കുറിക്കുമ്പോഴും   ചരിത്രം തിരുത്തിയ വിപ്ലവങ്ങളെ ആദ്യമായി അടുത്തറിയുമ്പോഴും പണമെന്ന മുല്യമില്ലത്ത്ത കടലാസ്സു തുണ്ടുകള്‍   ആദ്യമായി കീശയില്‍ നിറയ്ക്കുമ്പോഴും  അങ്ങനെ അങ്ങനെ എന്തിനെപറ്റിയായാലും ആദ്യമായി അറിയുമ്പോഴുള്ള കൌതുകം ആകാംഷ അത് മനുഷ്യസഹജമാണ് . പക്ഷെ ഇന്ന് വല്ലാത്തൊരു വീര്‍പ്പു മുട്ടലാണ് , ഒരുപാട് രാത്രികള്‍ ഉറക്കമില്ലാത്ത രാത്രികലാക്കി മാറ്റിയ ആ ചിന്തകളെ ആദ്യമായി പുല്‍കാന്‍ പോകുന്നു . ആദ്യമായി ഒരു പെണ്ണിനെ ഭോഗിക്കാന്‍ പോകുന്നു  . നിഗൂഡതകള്‍ നിറഞ്ഞ ഒരു നിധിപ്പെട്ടി കണ്ടെടുത്ത് അത് തുറക്കാന്‍ കാത്തിരിക്കുന്നത് പോലെ . സ്ഥാനം കൊണ്ട് മൂന്നാമനാണെങ്കിലും എം .ടി യുടെ രണ്ടാമൂഴത്തിലെ മൂന്നാമനായ അര്‍ജ്ജുനനല്ല ഞാന്‍ .... ഭീമസേനനെ പോലെ ഒരു രണ്ടാമൂഴക്കാരന്റെ വീര്‍പ്പു മുട്ടല്‍ . ആദ്യമായി ആരുടെ മനസിലാണ് ഇങ്ങനെ ഒരു ആശയം വന്നത് എന്നറിയില്ല , പക്ഷെ ഓരോരുത്തരുടെയും മനസിലെ ചിന്തകളിലെ സങ്കല്‍പ്പങ്ങളിലെ ആകാരവടിവുകള്‍ ചേഷ്ടകള്‍ ശബ്ദങ്ങള്‍ അവയെല്ലാം ചേര്‍ന്ന് ഒരു ലക്ഷ്യമായി മാറുകയായിരുന്നു .
    
                   അവളെ വീട്ടിലേക്കു കൊണ്ടുവരുമ്പോള്‍ ഞാന്‍ ഉണ്ടായിരുന്നില്ല , വന്നപ്പോഴേക്കും ഒന്നാമന്റെ കരവലയത്തിനുള്ളിലായിരുന്നു അവള്‍ . മൂടിക്കെട്ടിയ ശരിരത്തിനുള്ളില്‍ ത്രസിച്ചു നില്‍ക്കുന്ന ഒരുപാട് മാറിടങ്ങള്‍ ഉറക്കം കെടുത്തിയ രാത്രികളില്‍ വന്ന ത്രിലോക സുന്ദരിമാരുടെ  ആരുടെയെങ്കിലും മുഖം  ഓര്‍ക്കാന്‍ കഴിയുന്നുണ്ടോ ? ... ഇല്ല ഒരു മുഖവും ഒരമ്മകളില്‍ ഇല്ല ...ഇന്നൊരു പക്ഷെ ഈ ലോകത്തെ തന്നെ ഏറ്റവും വലിയ നിഗൂഡത എന്റെ മുമ്പില്‍ വാതില്‍ തുറക്കും  . പെണ്‍ എന്നാ നിഗൂഡ ജീവിയെക്കുരിച്ചുള്ള ചിന്തകള്‍ തിളച്ചു മറിയുന്നു .
                   ഒന്നാമന്‍ സത്യം തിരിച്ചറിഞ്ഞു പുറത്ത് വന്നതും രണ്ടാമന്‍ സത്യാനെഷണത്തിനായി പോയതും ഇതിനിടയില്‍ നടന്നിരിക്കുന്നു . ചെയ്യുന്നത് തെറ്റോ ശരിയോ ? എന്നാ ചോദ്യം നെഞ്ചില്‍ തറച്ചിട്ടു കുറെയായി . വേശ്യയെ തേടി പോകുന്നവന്‍ നല്ലവനല്ലെന്നുരാപ്പാണ് പക്ഷെ ചീത്തയാണോ ? അറിവുകള്‍ അറിയാനുല്ലതാണ് , അപ്പൊ അറിയാത്തതിനെപ്പറ്റി അറിയാന്‍ ശ്രമിക്കുന്നത് തെറ്റാണോ ? ചെയ്യാന്‍ പോകുന്നത് തെറ്റല്ലെന്ന് മനസിനെ തെറ്റുധരിപ്പിക്കാന്‍ ഒരുപാട് ന്യായങ്ങള്‍ ഉണ്ട് . മനസും അത് തന്നെയാണ് ആഗ്രഹിക്കുന്നതും .
വിയര്‍ത്തു കുളിച്ചു പുറത്തിറങ്ങിയ  രണ്ടാമനെ അവഗണിച്ചു അകത്തു കയറി കതകടച്ചു തിരിഞ്ഞു നോക്കുമ്പോള്‍ - അരയ്ക്കു കീഴ്പ്പോട്ടു കൈലി കൊണ്ട് മറച്ചു , ആകെ വിയര്‍ത്തു കുളിച്ചു , ഇരുവശത്തെക്കുമായി     ചാഞ്ഞു കിടക്കുന്ന മാറിടങ്ങള്‍  , കുത്തഴിഞ്ഞ തലമുടി , .... പിന്നെ ........ പിന്നെ ആ മുഖം   - ഇനിയോന്നിനു കൂടി ത്രാണിയില്ലെങ്കിലും വാങ്ങിയ കാശിന്റെ ഉന്മേഷം കണ്ണിലും ചുണ്ടിലുമായി വരുത്തി എന്നെയും നോക്കി കിടക്കുന്ന ആരൂപത്തെ ഞാന്‍ കണ്ടു ..... ഒരു പെണ്ണിനെ

01 ജനുവരി 2012

2012- ല്‍ വായിച്ച ആദ്യ പുസ്തകം "REVOLUTION 2020"


എന്റെ പുതുവര്‍ഷം , എന്റെ 2012 ... തുടങ്ങുന്നത്  "REVOLUTION 2020 " - ല്‍ നിന്നുമാണ് . ലോകം മുഴുവന്‍ , അല്ലെങ്കില്‍ ലോകത്തുള്ള മിക്കവാറും മനുഷ്യരെല്ലാം സ്കോച്ചും വിസ്കിയും ബീയറുമായി പുതു വര്‍ഷത്തെ വരവേല്‍ക്കുമ്പോള്‍ ഞാന്‍ മാത്രം നിശബ്ദമായി ഒരു നോവല്‍ വായനയില്‍ മുഴുകിയിരിക്കുകയായിരുന്നു എന്നോര്‍ക്കുമ്പോള്‍ എനിക്ക് അത്ഭുതം തോന്നുന്നു  .


ചേതന്‍ ഭഗത്തിനെ കുറിച്ച് ഒരുപാട് കേട്ടിരുന്നു , അദേഹത്തിന്റെ പുതിയ പുസ്തകം ഇറങ്ങിയെന്നു കേട്ടപ്പോള്‍ മുതല്‍ അതൊരെണ്ണം സ്വന്തമാക്കണം എന്ന ആഗ്രഹിച്ചിരുന്നു ... ഈയിടയ്ക്കാണ് അത് കൈയില്‍ വന്നു ചേര്‍ന്നത്‌ .... ഇറങ്ങി ആറു മാസം ആയതേ ഒള്ളു ... ഇപ്പൊ എന്റെ കൈയില്‍ ഉള്ളത് പത്താമത്തെ എഡിഷന്‍ എന്ന് പറയുമ്പോള്‍ തന്നെ ... അദേഹത്തിന്റെ   മുന്‍കാല   സൃഷ്ടികള്‍ എത്ര മഹത്തരമാണ് എന്ന് പ്രത്യേകിച്ച് പറയേണ്ട കാര്യമുണ്ടോ ?.


"ഒരിക്കല്‍ ഇന്ത്യയിലെ ഒരു ചെറിയ ടൌണില്‍ ബുദ്ധിമാന്മാരായ  രണ്ടു പിള്ളാരുണ്ടായിരുന്നു .

ഒരാള്‍ക്ക്‌ തന്റെ ബുദ്ധി ഉപയോഗിച്ച്  പണമുണ്ടാക്കണം ...

ഒരാള്‍ക്ക്‌ തന്റെ ബുദ്ധി ഉപയോഗിച്ച്  വിപ്ലവം സൃഷ്ടിക്കണം ....


പ്രശനം എന്താണെന്ന് വച്ചാല്‍ ഇരുവരും പ്രണയിക്കുന്നത്‌  ഒരു പെണ്‍കുട്ടിയെ തന്നെ "

പുറന്താള്‍ക്കുറിപ്പ്‌  വായിക്കുമ്പോള്‍ പ്രത്യക്ഷത്തില്‍ ഒരു ത്രികോണ പ്രണയ കഥയാണെന്ന് തോന്നുമെങ്കിലും ... അങ്ങനെ ഒറ്റ വാക്കില്‍ പറഞ്ഞു ഈ നോവലിന്റെ മൂല്യം കളയാന്‍ ഞാന്‍ ഉദേഷിക്കുന്നില്ല . കാരണം ഭാരതത്തിലെ അല്ലെങ്കില്‍ ഈ ലോകത്തിലെ തന്നെ  ഇന്നത്തെ ചെറുപ്പക്കാരെ പറ്റി , വിദ്യാഭ്യാസ വ്യവസ്ഥിതിയെ പറ്റി , പ്രണയത്തെ പറ്റി , പണത്തിനു വേണ്ടിയുള്ള ഓട്ടത്തെ പറ്റി , കളങ്കപൂരിതമായ ഓരോ ഇടാപാടുകളെ പറ്റി ... ചുരുക്കി പറഞ്ഞാല്‍ ഇന്നത്തെ നമ്മുടെ ലോകത്തെ പറ്റിയുള്ള കൃത്യമായ ചിത്രം ഈ നോവല്‍ തരുന്നു .... ഒരു നിമിഷം പോലും വായനക്കാരനെ ബോറടിപ്പിക്കാതെ കഥഗതിയോടൊപ്പം സഞ്ചരിക്കാന്‍ നമ്മുക്ക് തോന്നും ... അതാണ്‌ എഴുത്തുകാരന്‍ എന്ന നിലയില്‍ അദേഹത്തിന്റെ ഏറ്റവും നല്ല ഗുണം എന്ന് എനിക്ക് തോന്നുന്നു 
മൂന്നു ബാല്യകാല സുഹൃത്തുക്കളുടെ   കഥ , വാരണാസി എന്ന പുണ്ണ്യ പുരാതനമായ നഗരത്തില്‍ തങ്ങളുടെ പ്രണയവും സന്തോഷവും കണ്ടത്താന്‍ ശ്രമിക്കുന്ന മൂന്നു പേര്‍ " ഗോപാല്‍ , രാഘവ് , ആരതി " .എന്നാല്‍ കളങ്ക പൂരിതമായൊരു ചുറ്റുപാടില്‍ അതത്ര എളുപ്പമല്ല , വാരണാസിയില്‍ ഓരോരുത്തരും വരുന്നത് ഗംഗയില്‍ തന്റെ എല്ലാ പാപങ്ങളും കഴുകിക്കളയാനാണ് . അത് കൊണ്ട് തന്നെ വരാണാസി കളങ്കരഹിതമാക്കുക എന്നത് ശ്രമകരമായ  കാര്യമാണ് . ഗോപാല്‍ തന്റെ ലക്ഷ്യത്തിനായി തെറ്റുകള്‍ ചെയ്യുമ്പോള്‍ , രാഘവ് അവയ്ക്കെതിരെ പൊരുതുന്നു  ... ആറു ജയിക്കും എന്നതാണ് നോവല്‍ പറഞ്ഞു തരുന്നത് ...  
തോല്‍വിയുടെയും വിജയത്തിന്റെയും കഥ ... വികാര നിര്‍ഭലമായ കുറെ മുഹുര്‍ത്തങ്ങള്‍ കൊണ്ട് മനോഹരമാണ് അതിന്റെ കഥാഗതി ... ചില സമയത്ത് എന്റെ ജീവിതമാണ് ഈ നോവല്‍ എന്ന് കൂടി എനിക്ക് തോന്നിപ്പോയി .... അത് കൊണ്ട് തന്നെ എനിക്ക് ഈ നോവലില്‍ ഒരു വാചകം എനിക്ക് ഈ ജന്മത്ത് മറക്കാന്‍ കഴിയില്ല " Losers , even if they do not have a brain , have a heart " .


എന്റെ  ജീവിതത്തില്‍ പലപ്പോഴും ഞാന്‍ ഈ വരികള്‍ ചിന്തിച്ചിട്ടുണ്ട് , ഒരാള്‍ തോല്‍ക്കുമ്പോള്‍ അയാള്‍ക്ക്‌ ബുദ്ധിയില്ല  , അയാള്‍ ഒരു മണ്ടനാണെന്ന് എല്ലാവരും വിധിയെഴുതും .... ഒരിക്കല്‍ പോലും അയാള്‍ക്ക്‌ വേദനിക്കുന്ന സ്നേഹിക്കാന്‍ കഴിയുന്ന ഒരു മനസുണ്ട് എന്ന് ആരും ചിന്തിക്കാറില്ല ....


അത് മാത്രമല്ല ആദ്യമായാണ്‌ ഒരു ഇംഗ്ലീഷ് നോവല്‍ ഇടവേളകളില്ലാതെ വായിച്ചത് .... രണ്ടാമൂഴവും , ഒരു സങ്കീര്‍ത്തനം  പോലെയും , മയ്യഴിപ്പുഴയുടെ തീരങ്ങളിലും ഒക്കെ വായിച്ചത് പോലെ ...


മറ്റുള്ളവരും ഈ നോവല്‍ വായിക്കണം അല്ലെങ്കില്‍ വായിക്കേണ്ടതാണ് എന്ന് തോന്നിയത് കൊണ്ടാണ് ഇങ്ങനെ ഒരു പോസ്ടിടുന്നത്  ..... ..(ഒരു വായനക്കുറിപ്പ്‌ എങ്ങനെ ആവണം എന്ന് എനിക്കറിയില്ല പക്ഷെ മനസ്സില്‍ ഉണ്ടായിരുന്നത് ഒരു വിധം എഴുതിയിട്ടുണ്ട് )