07 ഡിസംബർ 2010

കറണ്ട് സ്റ്റാറ്റസ് - വിവാഹ മോചനം

         തിരക്ക് പിടിച്ച ജോലി കഴിഞ്ഞു വീട്ടിലെത്തിയല് ഡ്രസ്സ്‌ പോലും മാറ്റാതെ നേരെ കമ്പ്യുട്ടറിനു മുന്നിലേക്ക് . മുന്നില്‍ തുറന്ന വരുന്ന വലിയ ജാലകങ്ങള്‍ . സ്വയം മറന്ന അയാള്‍ അതിലേക്കു അലിഞ്ഞു ചേര്‍ന്ന് .സമയം കുറെ കടന്നു പോയി , നാഴിക സൂചി വട്ടം കറങ്ങി .
 അതിനിടയില്‍ അമ്മയും അച്ഛനും ഭാര്യയും എന്തൊക്കെയോ വന്നു പറഞ്ഞു .
ഓര്‍ക്കുട്ടിലും ഫേസ്ബുക്കിലും ബ്ലോഗ്ഗെറിലും അയാള്‍ ഒരേ സമയത്ത് സഞ്ചരിച്ചു . തലകുനിച്ച് , കമ്പ്യുട്ടറിനടുത്ത് പിടിച്ചു  , വിടര്‍ന്ന കണ്ണുകളോടെ കീബോര്‍ഡ് മിഴുവാന്‍ അയാളുടെ കൈവിരലുകള്‍ ഓടി നടന്നു .

 കമ്പ്യുട്ടര്‍യുഗത്തിലെ ഒഴിവാകാന്‍ പറ്റാത്തൊരു അദ്ധ്യായം താനും അവതരിപ്പിക്കുന്നുണ്ട്  എന്ന ചിന്ത ഒരു മിന്നായം പോലെ കടന്നു പോയപ്പോള്‍ അവന്‍ ഒന്ന് പുളകിതനായി . ഓരോ അരമണിക്കൂര്‍ ഇടവിട്ടും ഭാര്യ എന്തോ വന്നു പറയുന്നുണ്ട് , " മ് മ് ...." എന്ന് എല്ലാം മൂളി കേട്ട് അയാള്‍ യുഗ പരിണാമങ്ങളെ കുറിച്ച ഓര്‍ത്ത് സന്തോഷിച്ചു .
 ഫേസ്ബുക്കിലെ കറണ്ട് സ്റ്റാറ്റസും വായിച്ച്, അതിനു കമന്റും നല്‍കി അയാള്‍ അവിടമാകെ ഒന്ന് ചുറ്റിയടിച്ചു .പക്ഷെ കുടുംബ വക്കിലിന്റെ കറണ്ട്  സ്റ്റാറ്റസ് കണ്ട് അയാള്‍ ഒന്ന് ഞെട്ടി . "രഘുവിന്റെ ഭാര്യ വിവാഹ മോചനത്തിന് കേസ് ഫയല്‍ ചെയ്തു ..."

 ഒരു നിമിഷത്തെ അങ്കലാപ്പിനു ശേഷം അയാള്‍ അതിനു കുസൃതി നിറഞ്ഞ ഒരു കമന്റും പോസ്റ്റ്‌ ചെയ്ത് ബ്ലോഗ്ഗെറിലേക്ക്   കടന്നു

 

6 അഭിപ്രായങ്ങൾ:

  1. ഹല്ല പിന്നെ!
    നമ്മളോടാ കളി!!?

    മറുപടിഇല്ലാതാക്കൂ
  2. അതെയതെ ...കളി നമ്മള്‍ ബ്ലോഗേര്സിനോടാ .....!!!

    മറുപടിഇല്ലാതാക്കൂ
  3. കമ്മന്റിടാനും കമന്റടിക്കാനും നമ്മള്‍ പണ്ടേ മിടു മിടുക്കന്മാരായ ജീവിത മടിയന്മാരനല്ലോ

    മറുപടിഇല്ലാതാക്കൂ
  4. IT വിധവകള്‍ .... രസകരമായി എഴുതിയിരിക്കുന്നു

    മറുപടിഇല്ലാതാക്കൂ
  5. ഡി.പി.കെ.
    കമ്പ്യൂട്ടര്‍-ഇന്റര്‍നെറ്റ് ലോകങ്ങളില്‍ സഞ്ചരിക്കുമ്പോള്‍ നമുക്കുണ്ടാവുന്ന കേവലനഷ്ടങ്ങളെ ഹൈലൈറ്റ്ചെയ്ത് അവതരിപ്പിച്ചപ്പോള്‍ അത്
    വളരെ രസകരമായി.ഒപ്പം ചേര്‍ത്ത ചിത്രങ്ങള്‍ കഥയുടെ കേന്ദ്രാശയത്തോട് നൂറുശതമാനം നീതി പുലര്‍ത്തുന്നുണ്ട്.
    എന്റെ പുതിയ പോസ്റ്റും വിഷയമാക്കിയിട്ടുള്ളത് ഈ മേഖല
    തന്നെയാണ്.‘രണ്ട് ഫെയ്സ്ബുക്ക് കഥകള്‍’http://snehatheerampost.blogspot.com/2011/04/blog-post.html
    അഭിനന്ദനങ്ങള്‍

    മറുപടിഇല്ലാതാക്കൂ